هو صحيح انا لسه جديده في عالم التدوين ولسه مش واخده على موضوع التاج دهبس برده دي رحيل بنفسها هي اللي مررتهولي وميخلصنيش اكسفها
بعد الاستعانه بالله نبدأ نجاوب
لو مكنتش مصرى بس عربى كانت هتبقى ايه نظرتك للمصرين واللى بيحصل فى مصر دلوقتى؟
والله ده يتوقف على البلد اللي انا منها يعني لو بلد متقدمه اكيد كنت هبأه في حالة شفقه ويمكن سخريه
لكن لو كنت في بلد اقل يمكن كنت شوفت البلد دي حاجه كبيره
بس اعتقد العرب كلهم حالهم من بعض
لو كنت اوربى او غير مسلم هتبقى ايه نظرتك للعرب والمسلمين؟
اعتقد نظرتي للعرب هتكون زي نظرة العالم كله ليهم امه مفككه كل واحد منهم في وادي
ويمكن مكنتش هحاول اعرف عنهم حاجه لانهم ساعتها مش هيهموني
لكن نظرتي للمسلمين هتكون مختلفه لان العرب حاجه والمسلمين حاجه اكيد كنت هحاول اقرا واعرف عنهم كتير
والله اعلم كنت هقتنع بأيه بأه لو كان ده حصل
لو قالوا لك انك بقيت رئيس جمهورية هتعمل ايه؟
بما اني مدرسه ولامسه اد ايه التعليم مأثر على كل حاجه في بلدنا واد ايه هو اساس لتقدم اي بلد
فأكيد هبدأ باصلاح التعليم في مصر عشان يبأه تعليم بجد تعليم مش الهبل اللي احنا بنعمله وبنسميه تعليم
وطبعا الاسلام هيكون اساس التشريع بجد
لو سمح لك برؤية الرسول صلى الله عليه وسلم وانك هتقول كلمه واحده؟
هسأله الشفاعه
لو كنا فى عصر ازدهار الاندلس كنت تتخيل نفسك ازاى؟
معلش يا رحيل السؤال ده مش عاجبني
لو خطبت واحده او اتخطبتى لواحد واثناء الخطبة اكتشفت او اكتشفتى
ان الطرف الاخر غير قادر على الانجاب هيكون ايه تصرفك؟
ان الطرف الاخر غير قادر على الانجاب هيكون ايه تصرفك؟
ده يتوقف على مدى ارتباطي بيه وحبي ليه
لو طلعت على القمر هتكتب ايه؟
لا اله الا انت سبحانك اني كنت من الظالمين
لو مررت التاج لحد وماجاوبش هتعمل ايه؟
ولا حاجه
تمرر التاج لمين؟
لأي حد يحب يجاوب
22 comments:
السلام عليكم
أولاً مبروك عليكي أول تاج تجاوبي عليه وكل تاج وانتي طيبه.
إجاباتك موفقه وتنم عن شخصية هادئه وعاقلة .
تحياتي
السلام عليكم
بصى انا لازم اعللق على اى موضوع انتى بتكتبيه
وانا بصراحة مش فاهم حتتة التاج دى بس اللى اقدر اقولهولك ان اجابتك دبلوماسية اوى
تقبلى تحياتى
alaa salem
الله يبارك فيك شاكره مرورك وتعليقك الرقيق
no chance
شكرا لاهتمامك ومتابعتك المدونه
بالنسبه للتاج هو عباره عن مجوعة اسئله زي اللي شفتها كده اي حد من المدونين بعد ما بيجاوبها بيمررها لأي مدون تاني يجاوبها (رحيل قالتلي كده :) يلا انقل الاسئله وجاوب عليها
بالنسبه لاجباتي فجايز يكون معاك حق عشان ناس كتير بيقولولي موضوع الاجابات الدبلوماسيه ده شكرا لمرورك
كل سنه وانتى طيبه وبخير
منظرى وحش قوى
وانا بقيت باجى متاخر كده
علاء واحمد دايما سابقنى
بس مرسى يامرمر على اجابتك للتاج
اجابات جامده
مستنين اصلاحاتك فى التربيه والتعليم ياسياده الرئيسه
لو احتاجتى اى مساعده انا موجوده
ايمان
كل سنه وانتي طيبه وان شاء الله تكون سنه سعيده عليكي
نورتي المدونه يا ايمان
ra7eel
ايه ده انتي لسه فاكره ماشي هعديهالك المره ده
انا جاوبته بس عشان خاطرك بس ابئي نئي التاج قبل ماتمرريه بعد كده ماشي
وبعدين كل واحد يحكم في بلده بالطريقه اللي تعجبه هتتريأي هطردك بره البلد على طول
كل سنه وانتي طيبه
كل سنه وانت طيبه
وبخير
وربنا ما يحرمك ابدا من تاجات رحيل
عرفتي انا شفت مين وانا عند يارا
وعرفتي برضه مين مشا قبل ما اروح عشان مشفوش
يله اعتبري السؤالين دول ضمن التاج
;)
كل سنه وانت طيب يا سامح ميرسي على مرورك
طبعا عرفت بس اعمل ايه بأه اذا كنت انت بتنشن يلا ملحوقه ان شاء الله العيد الجاي :)
التاج ده لسة منتشرش قوي علي فكرة بالرغم انه تاج قوي جدا
واجاباتك حلوة علي فكرة
بس انا عايز اعرف انتي ليه معجبكيش سؤال الاندلس؟؟؟
كل سنه وانتى طيبه
ومبرووك التاج
احمد عيسى
اولا شكرا على زيارتك للمدونه
ثانيا مجاوبتش عشان انا مش عارفه وانا هنا في بلدي اللي عارفه ظروفها هبأه ايه فازاي هقدر احكم هكون ايه في بلد تانيه وعصر تاني بصراحه حسيتها بعيده حتى عن اني اتخيلها
ايمان
كل سنه وانتي طيبه ويارب تكون سنه سعيده عليكي
ميرسي اوي على تكرار زيارتك
احم احم
الظاهر انى جيت ف وقت صعب
:))))))
أصلى دايما بحس بالتاجات دى كإنها حمل على المدونين و المدونات
دى كانت أول زيارة و ان شاء الله مش آخرهم
أتمنى انى أشوفك ف مدونتى
انتي تنوري في اي وقت يا ايمان
وان شاء الله متكونش اخر زياره
اجابات هايله
كيب جوينج
تحياتى
السلام عليكم
إيه انتي فينك من زمااااااااااان ؟
هو النت جه في مصر كلها ماعدا بورسعيد ولا إيه ؟
منتظرين الجديد عندك
د/أجدع بنوته
شكرا لزيارتك الجميله للدونه
بجد نورتي
علاء سالم
بصراحه مش متوقعه ان لسه في حد متابع
الحمد لله النت مفصلش عندي اصلا بس انا اللي كنت فاصله
ومازلت فاصله
بس ان شاء الله يكون في جديد انهارده عشان خاطر الزياره دي
شكرا يا علاء على المتابعه
ايه ده يابت
تصدقى انا كنت ناويه احط الاغنيه دى عندى فى البوست الاخير وكسلت
ههههههههههههههههههههه
لاء بس جامده ياميرا
يعنى هتنزلى جديد عشان علاء
وانا بقالى قرن بتحايل عليكى تنزلى جديد
طيب ياميره بس اما اشوفك
رحيل
قولي بأه انك داخله تسمعي الاغنيه:(
وبعدين شكلك نبرتي فيها كنت داخله اكتب بوست نكد هيعجبك اوي
فجأه لقيتني بكتب في حاجه تانيه خااااااااااااااالص
يلا مش مهم
Post a Comment