السادس من ابريل اواللي اطلقوا عليه يوم الغضب الشعبي في مصر واللي دعا ليه المصريين
المقيمين بالخارج معلنين اعتصامهم في هذا اليوم تضامنا مع ابناء شعبهم في مصر
ومطالبين ابناء الشعب المصري كافة بالاعتصام بأي طريقه يشوفوها مناسبه
ومن اشكال الاعتصام المتفق عليها ارتداء تيشيرتات سوداء مطبوع عليها شعار"احتجاجا على الاسعار"ومنها
ايضا مطالبة كافة المشاركين في الاعتصام بعدم التوجه لاعمالهم او مدارسهم او كلياتهم وكمان الاضراب
عن شراء اي سلعه كوسيله للضغط على التجار.وغيرها الكثير من مظاهر الاضراب
مع اني مؤمنه تماما بالفكره اللي فيها بوادر توحد بلدنا محتاجاه ومع ان احنا كلنا بنصرخ وبنقول نفس الكلام
ومش ناقص غير ان صوتنا يتوحد عشان يعلا اوي ويوصل بالعافيه للي عاملين نفسهم مش سامعينه
الا اني بصراحه حاسه ان في عناصر قصور كتير في تطبيق الفكره
عموما مين عارف ممكن اليوم ده يكون نواه لثوره حقيقيه وحتى لو مكنش اكيد هيكون له اثر مهما كان صغير
"لك الله يا شعب مصر"
26 comments:
ثانيه واحده.. انتى بتقولى ايه.. همه المصريين المقيمين فى الخارج همه اللى دعوا الى الاعتصام ده؟؟؟؟؟؟؟؟؟
بصى بقى انا مش مع الاعتصام ده و لا الاضراب ده بما انه جاى من الخارج.. معلش بقى حتى لو جاى من مصريين
يا بنتى اللى بيحصل فينا مننا و فينا... لازم نبدا بانفسنا..
يعنى اللى عتده مصنع.. ولا اللى عنده مخبز...ولا اللى عنده ارض زراعيه...ماهو منى و منك مش الحكومه..احنا لازم نفصل المسئوليه
انا مش بدافع عن الحكومه...بس ..اللى عنده مخبز.. و ماعندوش ضمير و بيبيع الدقيق..هوه ده من الحكومه..حكومته ضميره............ولا صاحب مصنع البان مثلا .. و بيغش و بيرفع ثمن المنتج ده كيلو اللبن بقى ب 7.50 و ياريته لبن...مالها بقى الحكومه...حتى لو قلتيلى انه بيعدى على رقابه الحكومه.. ماهو برضه واحد نفسه ضعيفه.. و الفلوس دلوقتى بقت تعمى القلوب..ولا صاحب الارض الزراعيه اللى بيصدر الارز بتاعه علشان الفلوس اكتر...يا بنتى احنا اللى لازم سلوكنا يتغير و ضميرنا يصحى...
يا صباح الخير بتوقيت مصر وبورسعيد
اولا هو الغرض من الاضراب او توقعى مفيش حاجه هتنزل انما
يا خوفى من الاسد بعد كده هيعمل ايه معانا تفتكرى ايه
ميرسى ليكى ونورتينى هناك
اولا : مدونة جميلة ومميزة نقدر نقول انها صوت نفسها
ثانيا : عندما نحث في سب الاضراب وهو امر شرعي سنعلم انة لا معالم لة ولم توقع علية كل القوي الوطنية كما يقولون اذا فهو اضراب بلا معالم اضراب اليوم الواحد كرحلة اليوم الواحد
ثالثا : علينا ان نجمع علي ام جميعا ثم نقوم في وجة الظلم قومة رجل واحد دلا من ان يهاجم كل منا الاخر وفي النهاية يخرج الجميع خاسر والحكومة الفاسدة الظالمة هي الطرف الوحيد الكسبان
وفي النهاية ادعوكي لزيارة مدونتي
مدونة لحن الغروب
anaabnalikwan.blogspot.com
للاسف حتى الاعتراض طلع مقترح علينا من الخارج
امتى حتبقى افكارنا نابعه من احساسنا بمسؤليتنا تجاه بلدنا اللى حاسه انها خلاص دخان البركانبدا يخرج و ربنا يستر
الاضراب هو بدايه
كان فيه دعوات كتير قبل كده لعمل أضراب أو مظاهرات أو وقفات بس للأسف الدعوات دي ذهبت مع الريح
اللي مخلي الدعوه المره دي تاخد الحجم ده كله هو كينونة الداعي
عمال المحله الشرفاء هم الذين دعوا لهذا الاضراب
لهذا فقد كانت الدعوه للاضراب أكبر من الجميع
أن شاء الله دي البدايه
والبدايه هي الاصعب
تحياتي
دة التليفزيون والراديو عمالين يهددوا ويتوعدوا اللى هيضرب وبيخوفوا الناس من الللى هيضرب هيدولوا بالجذمة وربنا يستر
يامسهل المهم تحصل تبقى خطوة
يارب
انا معاكي هو مجرد بداية
و يا رب يحقق صدى
اوروفوار
واحده مفروسه
انتي صح طبعا محدش يقدر يقول غير كده لكن هنعمل ايه لو ضمير الناس دي مصحاش يعني. لازم يكون في وسيلة للضغط عليهم
بس انا مش معاكي في موضوع لازم نفصل ده هو اللي عنده مخبز وبيبيع الدقيق ده ولا صاحب الارض اللي بيصدر الرز وغيرهم وغيرهم مين اللي ليه سلطه عليه المواطن ولا الحكومه ؟ مين اللي يقدر يوقفه عند حده؟ المسئوليه الاولى مسئولية الحكومه بس هنقول ايه؟
مفيش حرامي بيحاسب حرامي
appy
مساء الفل
هيعمل ايه الاسد يعني اكتر من اللي هو عامله :)بس ده ميمنعش ان مجرد الفكره بتعملهم رعب النهارده بعتوا ياخدوا اسامي كل الموظفين اللي منزلوش شغلهم او حتى نزلوا متأخر والله ضحكت لما عرفت
سيبك انتي
نورتي المدونه
مدونة لحن الغروب
هو ده اللي المفروض كان يحصل بالظبط عشان كده كنت بقول في عناصر قصور كتير في التطبيق اولها ان كل واحد في وادي اللي موافق واللي معترض وكل واحد في وادي كعادة بلدنا الحبيبه
شكرا على كلامك الجميل ودعوتك الاجمل لزيارة مدونتك
صيدليه طالعه نازله
يمكن عشان هما صوتهم اعلى مننا .احنا صوتنا اتنبح بس طول ما كل واحد مع نفسه يبقى مفيش فايده
نورتينا:)
al shared
أيا كان اللي داعي للفكره يااااااااااارب بس تكون دي فعلا البدايه
Anonymous
لو في اراده بجد مش ده اللي هيمنع الناس مهما قالوا او هددوا
wanna be a physician
bastokkaطهقانه
ان شاء الله هتكون دي البدايه
سعدت بزيارتكم
محدثتكم ojg من أمام مجمع التحرير،، الدنيا فااااضية بالنسبة للوقت ده من اليوم ،،، الحياة ظريفه وفي اتنين ماشيين يحبوا في بعض ،، تقريبا مش واخدين بالهم ان ده مش الكورنيش او استغلوا ان المكان فاضي قالوا يحجزوا عشان يتفرجوا كويس علي الاضراب
بس يا خسارة قامت قوات العدو بشن هجماتها وتم وأد الثورة في مهدها
واللي دفع تذاكر عشان يتفرج مش هيلاقي حد يديهاله
وكالعادة يا جماعه وزي أي فيلم عربي هنقول كلنا
سيما أونطاااا هاتوا فلوسناااا
-----
أنا مش بتريق علي الاضراب ولا علي الأهداف اللي هو اندرج تحتها ،، بس غايظني أوووووووي استغلال احزاب المعارضة للمواطن البسيط وشكوته من اوضاع البلد عشان يوصلوا هما لحاجه معينة
كمان متضايقة اننا اجبن من اننا حتى نضرب
اومال لو كان الموضوع مظاهرة كان هيحصل ايه؟؟
بقولكوا ايه خلوني ساكته ،، أنا مانعه نفسي بالعافيه اني انزل بوست عن الاضراب
وعلي رأي عادل امام لما سألوه انت كنت فين ساعة ما الثورة قامت؟؟
قالهم أنا كنت في الحمام ساعتها
ojg
ojg
عاجبني اوي تعليقك خصوصا راي عادل امام:).اكتبي وقولي اللي نفسك دي على الاقل نلاقي حاجه نطلع فيها غيظنا مش هيبأه من كله
ضاقت فلما استحكمت حلقاتها فرجت و ظننت انها لا تفرج
هو ده ملخص الامل القادم
الاوضاع فى مصر تسير للاسوأ
من الاسوأ للأسوأ للانفجار
للاصلاح باذن الله
الاضراب نجح و فشل
نجح انه عرف الناس ان فيه حاجة اسمها اضراب
و الناس هتتعلم و شويه شويه هتعرف انها لازم تعبر عن اللى جواها
فشل تنظيميا لانه مكانش منظم .. كان عشوائى اوى
اخيرا سعيد جدا بالتجربة
و سلام عليكم
خايف :)
يمكن للاسف جات زياراتى لمدونتك بعد انتهاء الاضراب بتبعاته كلها فى ارجاء مصر
الاضراب او التظاهر احيانا وفى دول كتير بيكون حل وبيسقط حكومات وبيغير اوضاع كمان بس للاسف اثبتت مصر انها منعدمه فيها ثقافه التظاهر
اولا : فى التظاهر اتظاهر عبر عن رائيك دون تحطيم او تكسير اى ممتلكات عامه او خاصه
ثانيا: فى التظاهر المفترض انى دور الامن بيكون حمايه التظاهره مع حفظ النظام مش سحل وضرب وكسر عظام المتظاهرين
ثالثا: لما بحب اتظاهر بختار اكبر ميدان مفتوح لاستيعاب اكبر عدد من المتظاهرين وده مش بيحصل لانى للاسف ميداين مصر غير معده لاستقبال تظاهرات سلميه
ده راى دون الدخول فى تفاصيل ما حدث فى المحله او مناقشته
بس لو طبقنا ثقافه التظاهر صح ممكن نعمل حاجه لانى هدف التظاهر هو ايصال راى او الاعتراض على راى
الفرج مسيره ييجى
خايف
اولا بجد بجد نورت المدونه
ثانيا فعلا الاضراب كان عشوائي ومش منظم على الاطلاق المهم انه شرارة البدايه وان شاء الله تتوالى الخطوات بعد ذلك
كنت اتمنى زيارة مدزنتك بس مبتفتحش
اشكر مرورك الكريم
monaliza
ادينا في الانتظار
يارب بس نلحق نشوفه ولو ليوم واحد
شكرا لتكرار زيارتك
رئيس جمهورية نفسه
رأي في محله تماما يا فندم
بالرغم من الاسباب الكتير اللي حضرتك ذكرتها كعائق لسياسة التظهر السليمه في مصر
الا اني متفائله ان الاضراب منتهاش لا دا ابتدا
تواضع من سموكم والله تشريف المدونه المتواضعه:)
keeeeko
اعتذر عن عدم نشر التعليق كما اعتذر عن الطلب الخاص بالايميل فالتواصل_خاصة مع الجنس الاخر _ عبر المدونه فقط
شكرا لمرورك
انتي مختفيه كده ليه؟؟؟
يكونوش خدوكي مع اللي خدوهم ورا الشمس؟؟
الا صحيح .. لقيتي مين هناك ورا الشمس؟؟؟
عودي يا هاميس
ولعل المانع خير
سلامووووووووووووز
soooo
وانا اقول المدونه نورها زايد شويه ليه
لا متقلقش انا موجوده اهو واعده بكتب البوست الجاي دور على حد تاني بأه يحكيلك على اللي ورا الشمس ما هم اللي راحوا هناك كتييييييييير
سلامووووووووز
Post a Comment