بعد فوات الاوان

حبيبتي

اعلم اني تأخرت كثيرا

ولكن وددت ان اصرخ بها

سامحيني

ليتني استطيع ان استرجع كل لحظات حياتي لأقضيها معك وحدك

ليتني استطيع ان استرجع كل نظراتي لأتمعن في وجهك

ليتني استطيع جمع فتات قلبي لاخرج منه ما دون حبك

سامحيني ...فما عدت املك الا الدعاء

غفر الله لك واسكنك فسيح جناته وجمعنا بك في دار الحق

اعتذار

كان هـنالـك ولد عـصـبي و كان يـفـقـد صـوابه بشكـل مسـتـمـر . فـأحـضـر له والده كـيـساً مـمـلـوءاً بالمسامـيـر و قال له: يا بني أريدك أن

تـدق مسمارا في سـيـاج حـديـقـتـنا كلما اجـتاحـتـك موجـة غـضـب و فـقـدت أعـصـابـك ...و هكذا بدأ الولد بتـنـفـيـذ نـصـيـحـة والده فدق في اليوم الأول 37 مسمارا و لكن إدخال المسمار في السياج لم يكن سهلا. فـبـدأ يحاول تمالك نـفـسه عـنـد الغـضـب.. و بعـد مرور أيام كان يدق مسامير أقـل.. و بعـدها بأسابـيـع تمكن من ضـبـط نـفـسه.. و توقف عن الغضب وعن دق المسامير

فجاء إلى والده و أخبره بإنجازه فـفـرح الأب بهذا التحول و قال له: ولكن عليك يا بني باستخراج مسمار لكل يوم لا تـغـضـب به. و بدأ الولد من جديد بخـلـع المسامير في اليوم الذي لا يـغـضـب فيه حتى انـتـهـى من المسامير في السياج.. فجاء إلى والده و أخبره بإنجازه مرة أخرى.. فأخذه والده إلى السياج و قال له:يا بني انك صـنـعـت حـسـنا.. ولكن انـظـرالآن الى تلك الثقوب في السياج ، هذا السياج لن يكون كما كان أبدا

وأضاف:عـنـدما تقول أشياء في حالة غـضـب فإنها تـتـرك آثار مـثـل هذه الثـقـوب في نفوس الآخرين. تـسـتـطـيـع أن تـطـعـن الإنسان و تـخـرج السـكـيـن، ولكن لن يهم كم مرة تـقـول (( أنا آسـف )) لأن الجـرح سـيـظـل هـناك

اثارت هذه الكلمات اهتمامي منذ قرائتها وان كنت لا اعرف هل حقا اتفق معها ام لا

هل حقا يظل الجرح غائرا بالرغم من المحاوله الجاده في علاجه؟

هل الزمن أقدر على مداواة تلك الجروح من كلمة اعتذار صادقه

ام ان بنفوسنا من الضعف ما يجعلها لا تعرف المعنى الحقيقي للصفح والغفران؟

وان كانت كلمة الاعتذار مجرد طلاء خارجي لسياج اجتاحته الثقوب فما فائدتها اذن؟

شيء ما بداخلي يبحث عن اجابه وان كنت اظنه لن يجدها

تاج تاني من رحيل

كل ما يعدي على رحيل تاج صعب تلاقوها مررته لاصحابها وقرايبها اللي انا واحده منهم
مش فاهمه ليه الظاهر بتخاف لتضرب لو مررته لحد تاني مااااااااشي يارحيل مردودالك

التاج سؤال واحد بس عجيب اوي
اذكر عشر حاجات عن نفسك

اووووووووووووووك

اولا:انا انسانه عاديه اوي بسيطه اوي وبحب البساطه في كل حاجه .موديه جدا-لا دي مش مؤنث مودي-اقصد يعني
ان مزاجي حاد ومتقلب مع انه مبيتغيرش بسهوله.حالتي النفسيه بتأثر عليا تأثير كلي وجزئي
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
ثانيا:بحب الاطفال اوي وب
حب اتعامل معاهم ومع ذلك مش متخيله اني ممكن اكون ام في يوم الايام معرفش ليه
بحب كمان القطط والعصافير والنمل أيووووووه النمل بجد بحبه اوي ومبحبش اموته او حد يموته ادامي
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

ثالثا:بكره النفاق اوي وبكره اللي يكدب عليا خصوصا لو مكنش في سبب للكدب ده غير الهروب
بحترم الانسان اللي صادق مع نفسه ومع اللي حواليه وبحترم اوي اوي الشخص المتواضع
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ــ ـ ـ ـ ـ ـ ـ ـ
رابعا:لما اقول لحد اني سامحته بكون سامحته بجد بس لو كرر غلطه في حقي بلتمس لنفسي العذر في اي تصرف معاه
عشان كده ساعات بحس اني شريره اوي:)
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
خامسا:لما بحب حاجه بخلصلها اوي لما اصاحب بصاحب بجد جداولما اشتغل باشتغل بجد جدا ولما احب بحب بجد جدا جدا
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
سادسا:بعشق التأمل والقعده مع نفسي وبحب اعيد حساباتي من وقت للتاني مع اني عادة مبوصلش لحاجه:)ولما اخد قرار
مبعرفش انفذه بسهوله
ـ ـ ـ ـ ــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
سابعا: حب الناس ليا شيء يهمني اوي مع اني كتير اوي بفضل البعد عنهم بس يهمني اوي اني مبآش مكروهه او دمي تقيل
على اللي حواليا
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
ثامنا: عنيده وساعات كتير اوي بعند مع نفسي يمكن لاني مبحبش حد يجبرني على حاجه انا مش عايزاها. احب لغة العقل
والاقناع بطريقه هاديه وبسيطه وبحب المناقشات المثمره وبحب اللي يعرف يطلع اللي جوايا لاني كتير مبعرفش اطلعه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
تاسعا:ساعات بحس ان انا متناقضه شويه بس مبزعلش اصلي شايفه كل الناس كده وانا مبحبش اضحك على نفسي
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
عاشرا:بحب التجديد بس لما يجي في وقته ومن غير ترتيبات مسبقه ليه .لكن غير كده بحب الحياه الهاديه المنظمه اللي ليها هدف
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
تم بحمد الله
وبمرر التاج لكل فرد يدخل وبيعتبر نفسه صديق للمدونه
يعني اللي هلاقي منه تعليق لازم الاقيه مجاوب التاج ده عنده واضح

---------------------

تحديث

شكرا لنور على تمرير نفس التاج اديني جاوبته مقدما

:)

براءة الكبار

مس ! ممكن استريح شويه؟

لا مش ممكن عشان فاضل ربع ساعه بس يادوب نخلص

طيب ممكن اكل شيكولاته وانا بحل؟-

امممممممممممم ممكن

مس ممكن اسألك سؤال؟

مش وقت رغي خاااالص خلص حل الاول

معلش سؤال واحد

اتفضل قول

انا عايز اسأل يعني هو اللي رسم الصور الوحشه على الرسول عليه الصلاة والسلام هو صاحب مصنع شيكولاتة كندر اصل ماما بطلت تجيبهالي وانا بحبها اوي

ههههههههههههههههههه

لا يا حبيبي مش هو

-خلاص نبطل نشتريها ليه؟

انا هقولك افرض معايا كده ان انت كنت كل فتره بتروح تلعب مع واحد زميلك بلعبه انت بتحبها

وفي يوم جه اخوه الصغير ورسم صوره لواحد شكله يضحك جدا وجه قالك يا سمسم دا باباك هتعمل ايه

هقول لاخوه عشان يضربه

طب افرض اخوه قالك وانا مالي هو حر يرسم اللي هو عايزه

هقول لباباه

باباه قالك كل واحد حر يعمل اللي هو عايزه

هقول لبابايا عشان يضربهم

لو باباك معملش حاجه هتعمل ايه

هبطل اروح عند صاحبي ده تاني ومش هلعب معاه ابدا

ليه؟ ده مش هو اللي رسم الصوره ده اخوه اللي رسمها

بس هو سكتله

بس انت بتحب اللعب اللي عنده

مش مهم هخلي بابا يشتريلي لعب تانيه اجمل من اللي عنده

جميييييييييييل

طيب مش انت قبل كده قولتلي انك بتحب ربنا اوي وبتحب الرسول عليه الصلاة والسلام اوي اكتر من اي حد

اه طبعا

يعني اكتر من بابا

اه طبعا

طيب ليه مش عايز تدافع عنه زي ما دافعت عن باباك؟

هو مش في انواع شيكولاته تانيه كتير ممكن تشتريها غير دي

اه

يبأه بلاش الشيكولاته دي تاني

صح يا مس انا مش هجيبها تاني ابدا

مس

نعم

انا فرحان اوي

ليه عشان فهمت؟

ايوه بس عشان حاجه تانيه كمان

ايه؟

عشان الربع ساعه خلصت من غير ما اكمل الامتحان ده

؟؟؟؟؟؟؟؟؟؟؟؟؟؟؟

ادي اخرة اللي يمشي ورا كلام العيال

آل براءة الاطفال آل

يوم الغضب الشعبي

مع اني مش غاويه كتابه في اي حاجه تتعلق بالسياسه بس حاسه الموضوع مختلف المره دي

السادس من ابريل اواللي اطلقوا عليه يوم الغضب الشعبي في مصر واللي دعا ليه المصريين

المقيمين بالخارج معلنين اعتصامهم في هذا اليوم تضامنا مع ابناء شعبهم في مصر

ومطالبين ابناء الشعب المصري كافة بالاعتصام بأي طريقه يشوفوها مناسبه

ومن اشكال الاعتصام المتفق عليها ارتداء تيشيرتات سوداء مطبوع عليها شعار"احتجاجا على الاسعار"ومنها

ايضا مطالبة كافة المشاركين في الاعتصام بعدم التوجه لاعمالهم او مدارسهم او كلياتهم وكمان الاضراب

عن شراء اي سلعه كوسيله للضغط على التجار.وغيرها الكثير من مظاهر الاضراب

مع اني مؤمنه تماما بالفكره اللي فيها بوادر توحد بلدنا محتاجاه ومع ان احنا كلنا بنصرخ وبنقول نفس الكلام

ومش ناقص غير ان صوتنا يتوحد عشان يعلا اوي ويوصل بالعافيه للي عاملين نفسهم مش سامعينه

الا اني بصراحه حاسه ان في عناصر قصور كتير في تطبيق الفكره

عموما مين عارف ممكن اليوم ده يكون نواه لثوره حقيقيه وحتى لو مكنش اكيد هيكون له اثر مهما كان صغير

"لك الله يا شعب مصر"

عدنا

فاصل التهيؤات طول شويه المره دي . معلش انتوا اكيد عارفين ان الواحد من حين لاخر

بيحب يعد مع نفسه او بمعنى اصح يقف مع نفسه يمكن يطلع بحاجه جديده حصلت في حياته

بس مكنش واخد باله منها ،او واخد باله منها بس مش مستوعبها كويس، او مستوعبها بس مش

عارف يتعامل معاها ...وممكن كمان(وده في الاغلب) ميطلعش من وقفته مع نفسه دي بأي حاجه

ويلاقي نفسه عمال يحتار اكتر ويتوه اكتر فيقرر زيي كده انه يخرج من حالة الوقفه مع النفس دي

وطالما ان الوقفه مش جايبه همها يبأه نعد احسن وقعده بقعده بأه يبأه مفيش احسن من القعده أدام النت

نرجع تاني نكلم ونسمع ونكتب ونقرا ونفتح مدونتنا لحد ما نزهق من القعاد فنقف تاني

------------------------------------------------------------

شكر عميق جدا لكل المدونين اللي سألوا عليا او شجعوني على فتح المدونه تاني

سواء من خلال التعليقات في مدوناتهم او من خلال الايميل اللي معرفش عرفوه ازاي:)

خالص تقديري واحترامي

ت ن ا ق ض

استشعره بداخلي

وبداخل من هم حولي

يزداد يوما بعد يوم

احاول السيطره عليه

فأفشل

واحاول ثانية

فأفشل

واحاول

واحاول

واحاول

ولكن

تتلاقى برودة الماء مع انين النار

ولابد حينها من قرار

عفوا

تم اغلاق المدونه لفترة

فن الاستمتاع بالحياه 2

ها انا اعود مجددا لأستئنف حديثي عن فن الاستمتاع بالحياه

فقد توقفت عن الكتابه بفاصل طويل من التفكير

هل حقا نستطيع الاستمتاع بحياتنا؟

وكيف نهنأ بلحظة واحده ونحن نقف هكذا مكتوفي الايدي

أمام من يعتدي علينا وعلى ديننا

كيف لنا ان نستمتع بحياه فيها من تجرأ على سيدنا وحبيبنا صلى الله عليه وسلم

أخذني تفكيري للخطوات الفعليه المتاحه أمامي وأمام الجميع

المقاطعه

الدعاء

المشاركه في بعض المشروعات الجاده التي نأمل ان نجد لها صدى على المدى القريب

والاهم من ذلك كله

احياء سنته صلى الله عليه وسلم

قد لا نملك الكثير لنفعله ولكنه المتاح أمامنا الان

راجيين الله ان يستخدمنا في نصرة شفيعنا سيدنا محمد صلى الله عليه وسلم

فهذا هو الاستمتاع الحقيقي بالحياة

الذي استشعره الان قلبا وقالبا

وان شاء الرحمن لن ارضى عنه بديلا ابدا ما حييت

فن الاستمتاع بالحياه

اتعودت دايما اختار الصوره قبل حتى ما فكر انا عايزه اكتب ايه...يمكن لأني دايما بحس ان الصوره بتقول

حاجات اكتر بكتير من اللي ممكن يقوله اي انسان

ومخبيش عليكوا بالرغم من اكتئابي الشديد الايام دي الا ان الصوره دي لما شفتها حسيت براحه عجيبه

ومن ساعة ما شفتها معرفش ليه سيطرت عليا الفكره دي

"فن الاستمتاع بالحياه"

وانا قاعده مع نفسي اليومين اللي فاتوا وعاتيه لنفسي اجازه من الدنيا لقيت ان تقريبا تسعين ف الميه من الناس

اللي حواليا عندهم اكتئاب وقرفانين ومستنيين حاجه تحصل تخرجهم من اللي هما فيه

ولو سألت اي حد فيهم ايه الحاجه دي؟ هيقولك معرفش

طيب هنفضل نستنى لحد امتى

افرض الحاجه دي محصلتش اصلا؟ او حصلت بس بعد فوات الاوان

هنكون استفادنا ايه من انتظارها؟

بصراحه من وقتها لقيت نفسي بفكر بشكل مختلف تماما

ولقيتني لأول مره ولا اراديا بتعلم النوع ده من الفن

فن الاستمتاع بالحياه

وعلى رأي مذيعه مش فاكره اسمها

فاصل ...ونواصل

تاج

هو صحيح انا لسه جديده في عالم التدوين ولسه مش واخده على موضوع التاج ده

بس برده دي رحيل بنفسها هي اللي مررتهولي وميخلصنيش اكسفها

بعد الاستعانه بالله نبدأ نجاوب

لو مكنتش مصرى بس عربى كانت هتبقى ايه نظرتك للمصرين واللى بيحصل فى مصر دلوقتى؟

والله ده يتوقف على البلد اللي انا منها يعني لو بلد متقدمه اكيد كنت هبأه في حالة شفقه ويمكن سخريه

لكن لو كنت في بلد اقل يمكن كنت شوفت البلد دي حاجه كبيره

بس اعتقد العرب كلهم حالهم من بعض

لو كنت اوربى او غير مسلم هتبقى ايه نظرتك للعرب والمسلمين؟

اعتقد نظرتي للعرب هتكون زي نظرة العالم كله ليهم امه مفككه كل واحد منهم في وادي

ويمكن مكنتش هحاول اعرف عنهم حاجه لانهم ساعتها مش هيهموني

لكن نظرتي للمسلمين هتكون مختلفه لان العرب حاجه والمسلمين حاجه اكيد كنت هحاول اقرا واعرف عنهم كتير

والله اعلم كنت هقتنع بأيه بأه لو كان ده حصل

لو قالوا لك انك بقيت رئيس جمهورية هتعمل ايه؟

بما اني مدرسه ولامسه اد ايه التعليم مأثر على كل حاجه في بلدنا واد ايه هو اساس لتقدم اي بلد

فأكيد هبدأ باصلاح التعليم في مصر عشان يبأه تعليم بجد تعليم مش الهبل اللي احنا بنعمله وبنسميه تعليم

وطبعا الاسلام هيكون اساس التشريع بجد

لو سمح لك برؤية الرسول صلى الله عليه وسلم وانك هتقول كلمه واحده؟

هسأله الشفاعه

لو كنا فى عصر ازدهار الاندلس كنت تتخيل نفسك ازاى؟

معلش يا رحيل السؤال ده مش عاجبني

لو خطبت واحده او اتخطبتى لواحد واثناء الخطبة اكتشفت او اكتشفتى
ان الطرف الاخر غير قادر على الانجاب هيكون ايه تصرفك؟

ده يتوقف على مدى ارتباطي بيه وحبي ليه

لو طلعت على القمر هتكتب ايه؟

لا اله الا انت سبحانك اني كنت من الظالمين

لو مررت التاج لحد وماجاوبش هتعمل ايه؟

ولا حاجه

تمرر التاج لمين؟

لأي حد يحب يجاوب

نظرة للوراء

هاهو طريقك الان

اصبح ممهدا

فلا تنظر للوراء

فقد تطيح تلك النظره بالبقيه الباقيه

استمر في سيرك

دائما للامام

باقصى سرعه

ولا تعبأ بما خلفته ورائك

من عقبات

او ظلمات

فهناك من يعشق تلك الطرقات

ويستمتع بالسير فيها

وبتخطي تلك العقبات

وحده

سعيدا

فقط لأنك

خطوت بها يوما ما